थोर तिचे उपकार, गर्जा जयजयकार
तिचा गर्जा जयजयकार || धृ ||
एक साध्वी मनी मोहरली
मानवतेचे मर्म जाणिले जिने
स्त्री-शिक्षणाचे व्रत घेऊनी
यत्न पूजिला तिने
थोर तिचे उपकार || १ ||
कितीक झाले कष्ट तिला
कितिकांनी केल्या वंचना
परी मांडुनि संसार आगळा
फुलविला स्त्री-शिक्षणाचा मळा
थोर तिचे उपकार || २ ||
धन्य ती माऊली क्रांती ज्योत सावित्रीबाई
धर्म, जात, समाजबंधने तोडुनी
अबलांना करून सबला
जगाच्या उद्धाराचा मार्ग तिने दावला
थोर तिचे उपकार || ३ ||
