MMC 2024
नमस्कार मंडळी,
रांगोळ्या, फराळ, दिव्यांच्या रोषणाईसह आणि फटाक्यांच्या आतिषबाजीसह दिमाखात आगमन होतं ते दिवाळीचं. आणि सगळ्यांची मनं आनंदाने उजळून जातात.
महाराष्ट्र मंडळ शिकागो, दिवाळी निमित्त घेऊन येत आहे एक बहारदार कार्यक्रम. स्थानिक कलाकारांचा सांस्कृतिक कार्यक्रम, सुग्रास भोजन याबरोबरच या कार्यक्रमाचे खास आकर्षण असणार आह़े, स्वरांची तेजोमय मैफिल ‘स्वर विहार’! पंडित राजेंद्र कांदळगावकर हे भारतरत्न पंडित भीमसेन जोशी यांचे शिष्य आहेत. रागांमधील स्वरांची नजाकत त्यातील भावछटांसह पेश करण्याचे त्यांचे कसब, त्यांची प्रतिभा रसिक श्रोत्यांना मंत्रमुग्ध करेल यात शंकाच नाही. ते आपल्यासाठी सुगम संगीताबरोबरच, नाट्यसंगीत भावगीत आणि शास्त्रीय संगीत अशी विविधरंगी सुरांची बहारदार मैफिल घेऊन येणार आहेत.
दिनांक नोव्हेंबर १६ रोजी, सकाळी १०.०० ते ४.००
स्थळ- दृष्टी थिएटर, नेपरव्हील.
Location: Dhrishti Theater, 808 Illinois Rte 59, Naperville IL 60540
कार्यक्रमाची रूपरेषा-
रजिस्ट्रेशन- सकाळी १०.०० वा.पासून.
सांस्कृतिक कार्यक्रम- १०.३० ते ११.३० वा.
भोजन- दुपारी १२.०० वा.
मैफिल- २.०० ते ४.०० वा.
हा सुरीला कार्यक्रम चुकवू नका. लगेच तिकिटे काढून जागा आरक्षित करा. या कार्यक्रमाची रंगत आपणा सर्वांच्या उपस्थितीने अधिकच वाढेल.
महाराष्ट्र मंडळ शिकागो
